ᑕᒫᓃᑉᐳᒍᑦ ᓄᓇᕗᒻᒧᑦ.

ᑕᒫᓃᑉᐳᒍᑦ ᓄᓇᕗᒻᒧᑦ.

ᒫᓐᓇᓕ, ᒐᕙᒪᒃᑯᑦ ᑕᒫᓃᒋᐊᖃᓕᖅᑐᑦ ᐅᕙᑦᑎᓐᓄᑦ.

ᓄᓇᕗᒻᒥ ᑭᒃᑯᓕᒫᕐᓄᑦ ᐱᔨᑦᑎᕋᕐᓂᒃᑯᑦ ᐃᖅᑲᓇᐃᔭᖅᑎᐅᑎᓪᓗᑕ, ᐃᑲᔪᖅᐸᑦᑕᕗᑦ ᓄᓇᓕᕗᑦ ᐅᓗᕆᐊᓇᖅᑐᒦᑦᑎᑦᑕᐃᓕᓪᓗᒋᓪᓗ. ᑭᓯᐊᓂᓕ ᐊᑭᖏᑦ ᐊᓐᓇᐅᒪᔾᔪᑎᑦᓴᐃᑦ ᐊᑭᑦᑐᐸᓪᓕᐊᑐᐃᓐᓇᖅᑐᑦ, ᐃᖅᑲᓇᐃᔮᕗᓪᓗ ᐊᑕᙱᓐᓂᖅᓴᐅᓕᖅᑐᑎᑦ, ᖃᓂᒻᒪᓯᕐᓗ ᐊᑦᓱᕈᕐᓇᕆᐊᓪᓚᑦᑐᓂ. ᖄᖓᒍᒃᑲᓐᓂᖅ, ᓄᓇᕗᒻᒥ ᐅᑭᐅᖅᑕᖅᑐᒥᐅᑕᐅᓂᕐᒧᑦ ᐃᑲᔫᓯᐊᖅ ᐊᓯᔾᔨᓚᐅᖅᓯᒪᙱᑦᑐᖅ ᐊᕐᕌᒍᐃᑦ ᖁᓖᑦ ᐅᖓᑖᓄᑦ, ᐊᒥᓱᐃᓪᓗ ᐃᓚᒌᑦᑐᑦ ᓂᐅᕕᕈᑎᑦᓴᐃᓐᓂᐊᖅᑐᑦ ᐱᒋᐊᖃᓪᓗᐊᖅᑕᕋᓗᐊᒥᓐᓄᑦ.

ᐱᖓᓱᑦ ᐊᕐᕌᒍᐃᑦ ᐅᖓᑖᓄᑦ, ᑭᒃᑯᓕᒫᕐᓂᒃ ᐱᔨᑦᑎᕋᖅᑏᑦ ᐊᑎᓕᐅᖃᑎᒌᓚᐅᖅᓯᒪᓇᑎᒃ ᐱᓕᕆᓯᒪᕗᑦ. ᖄᖓᒍᑦ ᑕᒪᑐᒪ, ᒐᕙᒪᒃᑯᑦ ᐊᑭᓖᒍᒪᓯᒪᙱᑦᑐᑦ ᐊᖏᕐᕋᒥᓐᓂ ᐋᓐᓂᑎᖅᑕᐅᓯᒪᓂᕐᒧᑦ ᕿᑲᑲᐃᓐᓇᖅᑐᓄᑦ. 

ᓄᓇᕗᒻᒥ ᐃᖅᑲᓇᐃᔭᖅᑎᖃᕐᓂᖅᐸᐅᓪᓗᑎᑦ, ᒐᕙᒪᒃᑯᖏᑦ ᓄᓇᕗᑦ ᒪᑭᒋᐊᖅᑎᑦᓯᒋᐊᖃᓕᖅᑐᑦ ᐃᖅᑲᓇᐃᔭᖅᑎᑦᓯᓗᑎᑦ ᐊᑕᐃᓐᓇᖅᑐᓂᒃ, ᑮᓇᐅᔾᔭᓵᑦ ᓈᒻᒪᒋᐊᕐᓗᑎᑦ, ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ ᐃᑲᔫᓯᐊᑦ ᐊᖑᒻᒪᑎᕙᓪᓗᑎᑦ ᐊᑭᓕᖅᑐᕆᐊᓕᓐᓄᑦ. 

ᐃᓚᐅᒋᑦ ᓈᒻᒪᑦᑐᒥᒃ ᑐᑦᓯᕋᐅᑎᒋᔭᑦᑎᓐᓄᑦ ᓄᓇᕗᒻᒥ ᐃᖅᑲᓇᐃᔭᖅᑏᑦ ᑲᑐᔾᔨᖃᑎᒌᒃᑯᖏᓐᓄᑦ.